TNAU இளங்கலை மாணவர் சேர்க்கைக்கான புதிய கவுன்சிலிங் தேதி அறிவிப்பு; முழு விவரம் இங்கே!

TNAU இளங்கலை மாணவர் சேர்க்கைக்கான புதிய கவுன்சிலிங் தேதி அறிவிப்பு; முழு விவரம் இங்கே!

தமிழ்நாடு வேளாண்மைப் பல்கலைக்கழகம் (TNAU) 2021-22 ஆம் ஆண்டுக்கான இளங்கலை மாணவர் சேர்க்கைக்கான திருத்தப்பட்ட கவுன்சிலிங் அட்டவணையை வெளியிட்டுள்ளது.

ஹைலைட்ஸ்:

UG-க்கான திருத்தப்பட்ட கவுன்சிலிங் அட்டவணையை TNAU வெளியிட்டது.

இளங்கலை மாணவர்களுக்கான கலந்தாய்வு பிப்ரவரி 23 தொடங்கும்.

ஜனவரி 28 ஆம் தேதி இளநிலை அறிவியல் தரவரிசை பட்டியல் வெளியிடப்பட்டது.

தமிழ்நாடு வேளாண்மைப் பல்கலைக்கழகத்தின் கீழ் இயங்கும் கல்லூரிகளில் 2021-22 ஆம் கல்வி ஆண்டுக்கான இளநிலை பிரிவு மாணவா் சோ்க்கைக்கான கலந்தாய்வு (tnau ug admission 2021 counselling) பிப்ரவரி 23 ஆம் தேதி முதல் நடைபெற உள்ளதாக தமிழ்நாடு வேளாண்மைப் பல்கலைக்கழகம் (TNAU) அறிவித்துள்ளது. அத்துடன் இதற்கான திருத்தப்பட்ட கவுன்சிலிங் அட்டவணையையும் அதிகாரப்பூர்வ இணையதளத்தில் வேளாண்மைப் பல்கலைக்கழகம் வெளியிட்டுள்ளது.

தமிழ்நாடு வேளாண் பல்கலைக்கழகத்தின் கீழ், தமிழகம் முழுவதும் 14 உறுப்புக் கல்லூரிகள் மற்றும் 28 இணைப்புக் கல்லூரிகள் இயங்குகின்றனர். இதன் மூலம் வேளாண்மை மற்றும் தோட்டக்கலை பிரிவுகளில் சுமார் 11 படிப்புகள் கற்பிக்கப்பட்டு வருகிறது.

2021-22 ஆம் கல்வி ஆண்டில் சேர 45 ஆயிரத்துக்கும் மேற்பட்ட மாணவ, மாணவிகள் விண்ணப்பித்து இருந்தனர். அதன் அடிப்படையில், கடந்த ஜனவரி மாதம் 28 ஆம் தேதி இளநிலை அறிவியல் (B.Sc) பட்டப்படிப்பு மற்றும் பட்டயப் படிப்புகளுக்கான தரவரிசை பட்டியல் (Rank List) வெளியிடப்பட்டது. அதை தொடர்ந்து, பிப்ரவரி 11 ஆம் தேதி முதல் 2021-22 ஆம் கல்வி ஆண்டுக்கான பட்டப்படிப்பு மற்றும் பட்டய படிப்புக்கான தொடங்க இருந்த கலந்தாய்வு நிர்வாக காரணங்களால் ரத்து செய்யப்பட்டுள்ளது.

இந்நிலையில், ஒத்திவைக்கப்பட்ட இளங்கலை மாணவா் சோ்க்கைக்கான திருத்தப்பட்ட கலந்தாய்வு அட்டவணையை தமிழ்நாடு வேளாண்மைப் பல்கலைக்கழகம் வெளியிட்டுள்ளது. இது குறித்து பல்கலை., வெளியிட்டுள்ள அறிக்கையில்; "தமிழ்நாடு வேளாண்மைப் பல்கலைக்கழகத்தின் இளமறிவியல் மாணவா் சோ்க்கைக்கான கலந்தாய்வு பிப்ரவரி 11 ஆம் தேதி நடைபெற இருந்த நிலையில், நிா்வாக காரணத்தால் ஒத்திவைக்கப்பட்டது. தமிழ்நாடு வேளாண்மைப் பல்கலைக்கழக கீழ் இயங்கும் கல்லூரிகளில் உள்ள இளநிலை பிரிவுகளில் மாணவா் சோ்க்கைக்கான கலந்தாய்வு 23 ஆம் தேதி தொடங்க உள்ளது.

அதன்படி முன்னாள் ராணுவ வீரா்களின் வாரிசுகள் மற்றும் மாற்றுத் திறனாளி மாணவர்களுக்கு பிப்ரவரி 23 ஆம் தேதி காலையும், விளையாட்டு வீரா்களுக்கு பிப்ரவரி 23 ஆம் தேதி மதியமும் நேரடி கலந்தாய்வு நடைபெற உள்ளது.

இதை தொடர்ந்து, தொழில்முறை கல்வி பிரிவினருக்கு பிப்ரவரி 24 ஆம் தேதி கலந்தாய்வு நடைபெறுகிறது. அரசு பள்ளி மாணவா்களுக்கு (7.5% இட ஒதுக்கீடு பிரிவு) பிப்ரவரி 25 முதல் 28 ஆம் தேதி வரை நேரடி கலந்தாய்வும், பொதுக் கலந்தாய்வு பிப்ரவரி 24 முதல் 28 ஆம் தேதி வரை இணைய வழியிலும் நடைபெறும் என தெரிவிக்கப்பட்டுள்ளது.

சான்றிதழ் சரிபாா்ப்பு மாா்ச் 6 முதல் 8 ஆம் தேதி வரை நேரடியாக நடைபெறுவதாகவும், முதல் நகா்வு பட்டியல் மற்றும் கல்லூ பாடப் பிரிவு ஒதுக்கீடு கலந்தாய்வு மாா்ச் 11 ஆம் தேதி இணைய வழியில் நடைபெறும் எனவும் தெரிவிக்கப்பட்டுள்ளது. இது குறித்த மேலும் தகவலுக்கு மாணவர்கள் TNAU-யின் அதிகாரப்பூர்வ அறிவிப்பை பார்வையிடலாம்.

மேலும், மாணவர்கள் வேளாண்மை பல்கலைக்கழகத்தின் அதிகாரப்பூர்வ இணையதளத்தை அடிக்கடி சரிபார்க்கவும் அறிவுறுத்தப்படுகிறார்கள். ஏனென்றால், அப்போதுதான் மாணவர்கள் தற்போதைய அப்டேட்யை தெரிந்து கொள்ள முடியும். மேலும் சந்தேகங்களுக்கு பல்கலைக்கழக உதவி எண்ணான 0422 - 6611210 ஐப் தொடர்பு கொள்ளலாம் எனவும் மாணவர்களுக்கு அறிவுறுத்தப்பட்டுள்ளது.